Gaeilge

Non Flash Content - Children running through a field of corn
Téigh i dTeagmháil Linn

"Tá Bord Gáis Energy tiomanta chun seirbhís custaiméirí ar ard-chaighdeán a chur ar fáil dár gcustaiméirí gáis nádúrtha go léir. Leagaimid amach ard-chaighdeáin dúinn féin agus déanaimid ár seacht ndícheall iad seo a chomhlíonadh inár gcuid déileála go léir lenár gcustaiméirí".

Freagraíonn an t-eolas thíos na ceisteanna is coitianta a chuirtear orainn agus tugann sé breac-chuntas ar na príomhthéarmaí agus coinníollacha atá againn.

I gcás go bhfuil tú ag iarraidh eolas sa bhreis a fháil, cuir glaoch ar 1850 632 632 le do thoil agus beimid lán-sásta déileáil le do d'fhiosrúchán.

Eolas Teagmhála le haghaidh Bord Gáis Energy

Bí cinnte go mbíonn uimhir do chuntais agat nuair a ghlaonn tú orainn le do thoil, mar ní féidir linn eolas an chuntais gáis a phlé ach le sealbhóir an chuntais. Tá uimhir do chuntas gáis le fáil sa bhosca buí ar thosach do bhille gáis.

D'Fhiosrúcháin na gCustaiméirí go léir:

  • (taobh istigh d'Éirinn): 1850 632 632
  • (taobh amuigh d'Éirinn): +353 1 602 1495
  • Seirbhís Léimh Méadar 24 Uair: 1850 632 632
  • Facs: 1850 631 631
  • Seoladh: PO Box 10943, Dublin 1.
  • Suíomh Gréasáin: www.bordgaisenergy.ie
  • Ríomhphost: info@bordgais.ie
Líne Éigeandála Gáis 24 Uair

Má fhaigheann tú boladh gáis nó má cheapann tú go bhfuil gás ag sileadh: 1850 20 50 50

Má cheapann tú go bhfuil sileadh gáis ann, cuir glaoch ar Sheirbhís Éigeandála Bord Gáis Networks láithreach ag 1850 20 50 50. Ba cheart duit an gás a mhúchadh ag an méadar chomh maith. I gcás nach féidir leat dul i dteagmháil lenár n-uimhir éigeandála, ba cheart duit glaoch a chur ar 999. Má tá do ghuthán díreach in aice leis an sileadh, bain úsáid as guthan comharsan nó an guthán poiblí is gaire duit.

Eochair Bhosca an Mhéadair

Beidh ort eochair bosca méadair a fháil chun doras bhosca an mhéadair a oscailt, chun an soláthar gáis a chur ar siúl nó a mhúchadh. Tá sé tábhachtach eochair bhosca an mhéadair a choinneáil in áit shábháilte, inrochtana.

Más gá duit eochair bosca méadair a fháil, cuir glaoch ar Bord Gáis Networks le do thoil ag 1850 200 694.

Conas is féidir liom gearán a dhéanamh?

Má tá tú ag iarraidh gearán a dhéanamh:

Guthán: 1850 632 632
Ríomhphost: info@bordgais.ie
Scríobh chuig: An Bainisteoir Cúram Custaiméirí, Bord Gáis Energy, PO Box 10943, Dublin 1.

Déanfaimid iarracht an gearán a leigheas chun do shástachta ansin. Má chuaigh tú tríd na nósanna imeachta atá ag Bord Gáis Energy agus má mhothaíonn tú nár leigheasadh do ghearán chun do shástachta, is féidir leat an t-ábhar neamhleigheasta a chur ar aghaidh go dtí The Commission for Energy Regulation, The Exchange, Belgard Square North, Tallaght, Dublin 24.

Guthán: 1890 404 404
Ríomhphost: info@cer.ie

Eolas Cuntais

Cuirfear do bhille gáis amach chugat gach dhá mhí. Bíonn an íocaíocht dlite taobh istigh de 14 lá ó dháta an bhille.

Conas a íocfaidh mé mo bhille Gáis?

Is féidir leat do bhille gáis nádúrtha ó Bord Gáis Energy a íoc, trí cheann ar bith de na modhanna seo a leanas:

Dochar Díreach:

An bealach is áisiúla chun íocaíocht a dhéanamh, cuir glaoch ar 1850 632 632 nó tabhairt cuairt ar ár suíomh idirlín www.bordgaisenergy.ie agus roghnaigh 'Cláraigh Anseo'. Bíodh sonraí do chuntas bainc in aice láimhe agat. Is féidir leat clárú chomh maith tríd an bhfoirm Dochair Dhírigh a líonadh isteach, ar chúl do bhille gáis nádúrtha agus í a chur chugainn.

Ar an nGuthán:

Is féidir leat do bhille a íoc ar an nguthán chomh maith, trí do chárta Laser nó creidmheasa a úsáid, trínár seirbhís uathoibrithe d'fhiosrúcháin billí agus íocaíochtaí, atá bunaithe ar an nguthán. Tá an tseirbhís seo ar fáil 24 uair in aghaidh an lae, 7 lá in aghaidh na seachtaine trí ghlaoch a chur ar 1850 632 632 agus na treoracha gutha a leanúint. Is féidir leat comhardú do chuntais, an dáta íocaíochta deireanach, méid na híocaíochta deireanaí agus dáta an bhille dheireanaigh a sheiceáil chomh maith.

Ar líne:

Is féidir leat do bhille a íoc ar líne trí do chárta Laser nó creidmheasa a úsáid. Is féidir é seo a dhéanamh go héasca trí chlárú ar ár suíomh idirlín www.bordgaisenergy.ie agus 'Cláraigh Anseo' a roghnú.

Airgead Tirim:

Is féidir leat do bhille a íoc ag aon asraon miondíola nuair a fheiceann tú na comharthaí PayPoint, Payzone, PostPoint, nó ag aon Oifig Poist. Is féidir leat do bhille a íoc ina iomláine nó cuid den íocaíocht a dhéanamh ar íosmhéid €20. Bíodh do bhille leat le do thoil.

Tríd an bPost:

Cuir do sheic, in éineacht leis an duillín Gíoró Bainc comhlánaithe d'Aistriú Creidmheasa (le fáil ag bun do bhille) go dtí Bord Gáis Energy, PO Box 10943, Dublin 1. Ba cheart go mbeadh seiceanna iníoctha le Bord Gáis Energy. Ná cuir airgead tirim sa phost le do thoil.

UMB:

Is féidir le Custaiméirí Bhanc na hÉireann é a íoc trí UMB Pass Point a úsáid.

NB:

Tabhair faoi deara le do thoil, nach bhfuil oifig airgid thirim againn ag aon cheann de na háitribh atá ag Bord Gáis Energy.

Conas a léifidh mé mo mhéadar?

Cuirimid sé bhille gáis nádúrtha chugat in aghaidh na bliana de ghnáth agus bíonn trí cinn acu seo bunaithe ar léamh do mhéadair agus trí cinn bunaithe ar mheastacháin, de ghnáth.

Déanann Bord Gáis Networks léamh an mhéadair agus na meastacháin seo.

Mura bhfuil Bord Gáis Networks in ann do mhéadar a léamh, fágann an léitheoir méadar cárta a thugann cuireadh duit do léamh féin a chur ar fáil. Má sheolann tú léamh isteach taobh istigh de 3 lá ó chuairt an léitheora méadar, eiseoimid bille atá bunaithe ar an léamh sin agus beidh an litir 'C' (Custaiméir) air, tar éis an léimh. Nó gheobhaidh tú bille a bheidh bunaithe ar léamh méadair measta. Léirítear an meastachán ar do bhille le 'E' tar éis léamh an mhéadair.

Léamh do mhéadair

Tá dhá chineál de mhéadair ann, is é sin, Méadar Digiteach nó Méadar Cárta Diaileanna (cloig).

Léamh an Mhéadair Dhigitigh
Is é an léamh ar an méadar seo ná 5810

 

Méadar Cárta Diaileanna a léamh (cloig)
Is é an léamh ar an méadar seo ná 7479

Má léiríonn do mhéadar sraith diaileanna (cloig) ar nós an phictiúir thuas, ba cheart duit neamhaird a thabhairt ar an dá dhiail ag an mbarr agus úsáid a bhaint as na ceithre dhiail bheaga ag an mbun, chun do mhéadar a léamh. Nuair a bhíonn léamh do mhéadair á thabhairt agat, ba cheart duit an diail ar clé a léamh ar dtús agus bogadh ar aghaidh ar dheis ansin. Léiríonn suíomh an bhioráin ar an diail, léamh an mhéadair. Má tá an biorán idir dhá fhigiúr, bain úsáid as an bhfigiúr atá níos ísle .i. má tá sé idir 7 agus 8, bain úsáid as 7. Ach má tá an biorán idir 9 agus 0, bain úsáid as 9.

Conas a sheolfaidh mé léamh méadair isteach?

Is féidir leat do léamh méadair a sheoladh isteach trí cheann amháin de na modhanna éasca seo a leanas.

Seirbhís Léimh Méadar Uathoibrithe 24 uair

Cuir glaoch orainn ag 1850 632 632 agus lean na treoracha gutha. Tá an tseirbhís seo ar fáil 24 uair in aghaidh an lae, 7 lá in aghaidh na seachtaine. Bíodh na 9 n-uimhir d'uimhir do chuntas gáis agat agus 7 n-uimhir d'uimhir GPRN in aice láimhe agat, le do thoil. Tá siad seo suite sna boscaí buí ar thosach do bhille gáis.

Suíomh Gréasáin

Logáil isteach ag www.bordgaisenergy.ie, téigh go dtí 'Do Chuntas ar Líne' (Your Account Online) agus roghnaigh 'Seol Léamh Isteach' (Submit Reading). Mura bhfuil tú cláraithe go fóill, bíodh do bhille in aice láimhe agat agus roghnaigh 'Cláraigh Anseo' (Register Here).

Céard ba cheart dom a dhéanamh murar féidir liom mo bhille a íoc faoin dáta dlite, nó má tá riaráiste ar mo chuntas anois?

Má tá aon deacracht agat le do bhille gáis a íoc, téigh i dteagmháil le Rannóg na gCuntas le do thoil ag 1850 632 632.

I gcás go bhfuil riaráiste neamhíoctha ar do bhille ó bhille a cuireadh amach roimhe sin, cuir glaoch ar an Rannóg do Rialú Creidmheasa ag 1850 78 77 88 agus mínigh an cás dóibh. Déanfaimid iarracht sceideal íocaíochta a shocrú leat, a bheidh go hiomlán faoi rún.

Tabhair faoi deara go bhféadfaí an soláthar gáis a tharraingt siar, dá dteipfeadh ort do bhillí a íoc taobh istigh dár dtéarmaí creidmheasa.

Bogadh Isteach
Tá mé tar éis bogadh isteach in áitreabh le déanaí, inar mhaith liom gás nádúrtha a úsáid. Céard is gá dom a dhéanamh chun ceangal an gháis a eagrú?

Bíodh soláthar an gháis ceangailte nó ná bíodh, is féidir leat glaoch a chur ar Bord Gáis Energy ag 1850 632 632 nó cuairt a thabhairt ar an Rannóg Bogtha Tí ar ár suíomh gréasáin, www.bordgaisenergy.ie. Chun gur féidir linn déileáil le d'fhiosrúchán go héifeachtach, bíodh na sonraí seo a leanas ar fáil agat le do thoil:

  • Léamh an mhéadair ón dáta ar bhog tú isteach san áitreabh
  • Ainm úinéir an áitribh
  • Is gá duit urrús* a chur ar fáil nuair a osclaítear do chuntas le Bord Gáis Energy, mar seo a leanas:
  • Éarlais €200 MÓIDE Dochar Díreach Bill-Pay

NÓ

  • Éarlais €400

*d'fhéadfadh daoine a raibh cuntas acu roimhe seo a bheith saor ó urrús, faoi réir athbhreithniú ar a stair chreidmheasa. Ní féidir an t-urrús a mheas go dtí go mbeidh measúnú déanta ar do stair chreidmheasa roimhe seo. Coinníonn Bord Gáis Energy an ceart acu féin, na riachtanais urrúis a athrú de réir cúinsí áirithe.

**Coinníonn Bord Gáis Energy an ceart acu féin chun na riachtanais urrúis a athrú.

I gcás go bhfuil an soláthar gáis múchta cheana féin, bainfidh táille nasctha de €115 leis an áitritheoir nua chun an glas a bhaint den mhéadar, chomh maith leis na riachtanais urrúis thuas.

I gcás go bhfuil an soláthar gáis nasctha agus mura gcomhlíonann tú na riachtanais urrúis atá againn, d'fhéadfaimis an soláthar gáis a tharraingt siar.

Bogadh Amach
An gá dom mo chuntas gáis a dhúnadh nuair a fhágfaidh mé an t-áitreabh? Céard is ceart dom a dhéanamh chun mo chuntas a dhúnadh?

I gcás go bhfuil d'ainm féin ar an gcuntas gáis, beidh ort é a dhúnadh chun dliteanas amach anseo a sheachaint. Glaoigh orainn ag 1850 632 632 le do thoil nó scríobh chugainn ag Bord Gáis Energy, PO Box 10943, Dublin 1 agus fógra seacht lá á thabhairt agat sula bhfágfaidh tú an t-áitreabh. Mura bhfuil treoir tugtha agat dúinn chun do chuntas a dhúnadh, d'fhéadfá a bheith faoi dhliteanas go fóill d'úsáid an gháis ag an áitreabh amach anseo.

I ngach cás beidh orainn an t-eolas seo a leanas a fháil chun do chuntas a dhúnadh:

  • Léamh deireanach an mhéadair
  • Do sheoladh seachadta don bhille deireanach
  • Ainm an áitritheora nua, a (h)uimhir ghutháin agus a s(h)eoladh roimhe sin agus/nó ainm úinéir an áitribh, chun cur isteach ar an soláthar a sheachaint

Mura gcuirfidh tú, nó murar féidir leat an t-eolas seo a chur ar fáil, ba cheart duit dícheangal an tsoláthair a lorg. Caithfidh tú rochtain a chur ar fáil dúinn, le ligean dúinn dícheangal iomlán a dhéanamh.

Deisiú & Seirbhísiú
Cén duine ar cheart dom dul i dteagmháil leis/léi chun seirbhís nó deisiú a eagrú?

Molann Bord Gáis Energy go ndéanfaí seirbhísiú bliantúil ar do choire agus d'fhearais gáis nádúrtha. Má tá tú ag iarraidh glaoch seirbhíse nó deisithe a eagrú, cuir glaoch ar an Rannóg Seirbhísithe Fearas ag 1850 632 632 nó ríomhphost hometeam@bordgais.ie.

Is féidir leat seirbhís a chur in áirithe le do Chuntas ar Líne, tabhair cuairt ar www.bordgaisenergy.ie agus roghnaigh 'Cláraigh Anseo' (Register Here) nó logáil isteach i do Chuntas ar Líne, má chláraigh tú cheana.

Sa Bhaile
Cóid Chleachtais
Cairt Custaiméirí